Lisa Vallcorba e Arrieta Rodríguez U16, e Eugenia Brotons e Tomàs Barata U14 pugen ath pòdi en Sierra Nevada

Pendent tres dies era passada dimenjada se celebrèc en Sierra Nevada era prumèra fasa dera Copa d’Espanha Audi d’Esquí Aupin entàs categories U14 e U16.

Era prumèra fasa dera copa d’Espanha Audi, finalizèc damb era disputa deth Slalom en quau es participants suportèren temperatures jos zèro.

Ena U16 era melhor siguec era esportista deth CEVA, Lisa Vallcorba, e era dusau posicion entà Arrieta Rodríguez tanben deth CEVA. Era jornada per çò que tanh a resultats l’arrodonic Eugenia Brotons (CEVA) damb era tresau posicion en Slalom U14.

Era dimenjada de competicion comencèc favorablaments entàs esquiadors eth CEVA, damb era prumèra posicion entà Tomàs Barata U14 e 2au posicion tà Lisa Vallcorba U16, en Supergigant disputat diuendres.

Era dusau jornada d’aguesta prumèra fasa dera Copa d’Espanha Audi, Eugenia Brotons U14, obtenguec era dusau posicion en Gigant.

Ua dimenjada de grani resultats entàs corredors deth CEVA.

Era Copa d’Espanha Audi U14/16 se da comiat enquiath 24 de hereuèr, quan se celebrarà era dusau fasa en La Molina. Era copa d’Espanha concludirà eth 26 de març en Cerler.

Vielha, 17 de gèr de 2017

Conselh Generau d’Aran: Núria Sanjuan

Hònt e fotos: CEVA