850 hondistes de totes es edats en ua grana edicion dera 39au Marxa Beret

150 participaires internacionaus procedenti de Norvègia, Suècia, Finlàndia, Soïssa, França e Itàlia an concorrut ath costat deth rèste de competidors aué en Beret

Eth dissabte se disputèc eth Sprint Salomon pròva d’exibicion ena que i participèren en eth 36 corredors d’elèit damb er objectiu de dar a conéisher aguest espòrt

Vielha, 4 de hereuèr de 2018.- 850 hondistes de totes es edats, des quaus 150 competidors internacionaus procedenti de païsi coma Norvègia, Suècia, Finlàndia, Soïssa, França e Itàlia, n’an participat aué dimenge 4 de hereuèr de 2018 ena 39au edicion dera Marxa Beret, era pròva degana der esquí de hons en Espanha, inscrita en circuit de Marches Populares (Popular Cross-CountryRace) deth calendari FIS (Federacion Internacionau d’Esquí) e puntuable entath circuit de Copa Espanha deth calendari dera Reau Federacion Espanhòla d’Espòrts d’Iuèrn (RFEDI) e entath circuit de Copa Catalana.

Era meteorologia a respectat pendent quasi era totalitat dera pròva as hondistes qu’an disputat era 39au Marxa Beret en un circuit damb condicions excellentes entad esquí de hons gràcies ath trabalh des organizadors que des de prumèra ora deth maitin an trabalhat entà tornar a mercar eth circuit dempús dera recenta nheuada queiguda ager ena Val d’Aran.

Era Marxa Beret, s’a disputat en un circuit de 10 km ena zòna de Beret e Orri; eth de 21km ena zòna de Beret, Orri e Montgarri e fin finau eth circuit de 42km ena zòna de Beret, Orri, Montgarri e direccion Marimanha, gràcies ara quantitat de nhèu en Baqueira Beret.

Eth vicesindic d’Aran e director dera Marxa Beret, Luís Carlos Medina, a volut destacar “eth trabalh realizat pera equipa d’organizacion dera Marxa Beret, de toti es collaboradors que la hèn possible an darrèr an, e ja son 39, e sustot eth trabalh des Volontaris d’Aran e der INS d’Aran, qu’a contribuït damb alumnes des cicles formatius enes contraròtles tecnics deth circuit, tanben a Era Escòla, sense desbrembar as federacions e patrocinadores dera Marxa“. Medina, soslinhèc eth caractèr festiu e familhau dera 39au edicion dera Marxa Beret, qu’a definit coma era grana hèsta der esquí de hons ena Val d’Aran”.

Luís Carlos Medina, a volut destacar eth gran papèr des joeni hondistes aranesi, damb Marta Cester ath deuant, guanhadora enes 42 km, distància que concorrie per prumèr còp, e eth cincau lòc artenhut per Rubén Caseny ena madeisha distància masculina.

Eth vicesincic d’Aran, a explicat que “des de demàn ja començam a trabalhar ena edicion 40au dera Marxa Beret que serà ua des mès importantes edicions dera istòria, e que convidam a participar a toti es amants der esquí de hons”.

Era Marxa Beret ei organizat peth Conselh Generau d’Aran, Baqueira Beret e er Ajuntament de Naut Aran. Compde damb era collaboracion de: Associacion Volentaris d’Aran, Foment Torisme Val d’Aran, Deputacion de Lhèida, Pompièrs d’Aran, Aran Salut, Mossos d’Esquadra, INS d’Aran, ath delà dera Reau Federacion Espanhòla d’Espòrts d’Iuèrn (RFEDI), era Federacion Catalana d’Espòrts d’Iuèrn (FCEH), era secretària generau der Esport dera Generalitat e es diuèrsi patrocinadors.

 

Resultats dera 39au Marxa Beret

Marxa Beret 10Km – Clasificacion Femenina

  1. Maria Sellés Gasch
  2. Jessica Mur Plana
  3. Irati Cuadrado Noain
  4. Marta Moreno Ramos
  5. Alejandra Ara Palacio

 

Marxa Beret 10Km – Clasificacion Masculina

  1. Jaume Pueyo Repullo
  2. Gerard Palomo Vicente
  3. Mikel Plazas Iriberri
  4. Miquel Auladell Visa
  5. Cesc Colell Pantebre

 

 

Marxa Beret 21Km – Clasificacion Femenina

  1. Maialen López Iñarra
  2. Kristin Roset
  3. Elisa Hernández Juárez
  4. Mireia Comellas Solé
  5. Aloma Combalia Claverias

 

Marxa Beret 21Km – Clasificacion Masculina

  1. Gral Sellés Bancells
  2. Lucas Marcen Inca
  3. Sébastien Capu
  4. Guillem Sánchez Moliné
  5. Unai Palacios Llorens

 

Marxa Beret 42Km – Clasificacion Femenina

  1. Marta Cester Farré
  2. Marielle Bigot
  3. Cynthia Martínez Ibero
  4. Bjorg Guri Kildahl
  5. Eva Nilsen

Marxa Beret 42Km – Clasificacion Masculina

  1. Sadurní Betriu Boix
  2. Diego Ruíz Asín
  3. Xabier Macías Cipriain
  4. Carlos Lannes Fernández
  5. Rubén Caseny Català

 

Ganadores del Sprint Salomon de la 39a Marxa Beret

Clasificacion Femenina

  1. Marta Cester
  2. Jessica Mur
  3. Irati Cuadrado
  4. Naia Saez

 

Clasificacion Masculina

  1. Adrián Clavero
  2. Gral Sellés
  3. Xabier Macías
  4. Nil Tossas

Comments are closed.