Aclaracion deth sindic d’Aran

Vielha, 19 de junh de 2018.- Deuant des comentaris sus eth hèt de non convidar as politics a barar dances araneses eth dia dera Hèsta d’Aran, esclarir que, eth suggeriment que se hec as grops de balhs aranesi siguec de non trèir a barar as politics en representacion dera Generalitat de Catalonha convidadi ar acte.


Siguec eth sindic d’Aran qui recomanèc ara responsabla de protocòu deth Conselh Generau d’Aran que non se convidèsse a barar as politics en representacion dera Generalitat per respècte ara situacion que viu eth país e per respècte as politics empresoadi.

Eth sindic d’Aran esclarís que, deth hèt de trèir a barar as representants des partits politics aranesi non se parlèc en cap moment. Maugrat açò, eth sindic d’Aran presencièc eth moment en que se convidèc a barar ath secretari d’Administracions Locaus e Relacions damb Aran Sr. Miguel Angel Escobar, que declinèc era invitacion damb es següents paraules: “Fòrça gràcies, mès non. Se vos platz”.

Comments are closed.