Alumnes deth Mastèr oficiau en Gestion d’Airaus de Montanha visiten eth Conselh Generau d’Aran

Vielha, 21 de gèr de 2019.- Eth passat diuendres un grop d’alumnes deth Mastèr oficiau en Gestion d’Airaus de Montanha creat pes Departaments de Geografia des cinc universitats publiques catalanes visitèren eth Conselh Generau d’Aran.

Eth Mastèr en Gestion d’Airaus de Montanha a era volontat de formar professionaus que contribuïsquen ath desvolopament d’airaus coma son es de montanha, que se tròben en un contèxt fisic e uman que requerís d’ues coneishences e intervencions adaptades as sues singularitats.

Pendent era visita eth grop d’ues 15 persones entre professors e alumnes que realizen un Talhèr laguens deth Mastèr, escotèren es explicacions de quauqu’uns des responsables de desparièrs departaments deth Conselh Generau d’Aran coma eth de Torisme en qu’er encargat d’aufrir es explicacions siguec Juan Manuel Morell; deth Servici Integrau de Pompièrs e Emergéncies d’Aran, a cargue de Fran Cardeñes; e der airau de Gestion de Subvencions e Ajudes damb Manel Monge. Pendent eth sòn sojorn ena sedença administrativa deth Conselh Generau d’Aran es alumnes deth Mastèr tanben arreceberen informacion sus era maximala institucion aranesa, dera man deth Director Executiu, Pau Perdices.

Entre d’auti aspèctes, tanben se tractèc sus es dus Leis d’Aran. Era visita acabèc damb un interessant debat finau.

Comments are closed.