• Eth 24 de junhsèga era Val d’Aran acuelherà era 16au etapa deth Tour de França 2018 (Carcasona- Bagnères- de- Luchon).
Era sedença deth Conselh Generau d’Aran a acuelhut era amassada de seguretat e coordinacion entre es còssi e fòrces de seguretat en itinerari dera 16au etapa deth Tour de França deth 24 de junhsèga damb gessuda de Carcasona e arribada en Bagnères- de- Luchon damb 218 Km, en tot passar pera Val d’Aran (Les e Bossòst).
Era reünion a estat presidida peth vicesindic d’Aran e conselhèr d’Espòrts, Luis Carlos Medina, peth conselhèr de Territòri d’Aran, Jose Antonio Boya, pera conselhèra de Torisme e Desvolopament Econòmic d’Aran, Anna Díaz e peth comissari generau responsable des gessudes deth Tour de França, Yannick Goasduff, damb era preséncia deth representant dera organizacion deth Tour de França, Bertrand Charrier, deth director de la Volta Ciclista Catalonha, Ruben Peris, ath delà de representants des fòrces e còssi de seguretat Gendarmerie Nationale, Garde Républicaine, Police Nationale, Mossos d’Esquadra, Servei Catalan de Trànsit e Conservacion de carretères.
En paraules deth vicesindic d’Aran e conselhèr d’Espòrts, Luis Carlos Medina: “S’an metut sus era taula toti es aspèctes de viabilitat e seguretat deth pas pera Val d’Aran dera etapa deth Tour de França eth 24 de junhsèga. Trabalharam entà garantir era maximala eficiéncia e seguretat en aguest eveniment tant important”.
Vielha, 26 d’abriu de 2018
Conselh Generau d’Aran: Núria Sanjuan