- Era parelha de patinatge artistic sus gèu formada per aranés Tòn Cónsul Vivar e Alexanne Bouillon gesseràn en 2au lòc (tàs 12:14 ora espanhòla).
- Participen autes 15 parelhes e totes eres accedissen ara finau.
Era parelha de patinatge artistic sus gèu formada per aranés Tòn Cónsul Vivar e Alexanne Bouillon se tròben en Taipéi (Taiwan) entà disputar eth Campionat deth Mon Júnior.
Aué dimèrcles, 15 de març, prumèra jornada de competicion deth campionat deth mon júnior se disputarà eth programa cuert de parelhes.
Tòn Cónsul e Alexanne Bouillon gesseràn en 2au lòc (12:14 ora espanhòla). Participen autes 15 parelhes e totes eres accedissen ara finau.
Era pròva se poderà veir en dirècte peth sistèma stream dera ISU: http://www.eurovisionsports.tv/isu/single-pair-skating-ice-dance/live.html?id=7
Arrebrembam que Tòn Cónsul Vivar auie tanben era minima entath mondiau junior en individuau, en tot auer guanhat eth campionat d’Espanha, mès per ua decision de Laia Papell, membre dera FEDH, Tòn non participarà en individuau.
En paraules de Tòn en ua entrevista tà Pink: “Açò non a estat ua decision mia, es mèns entrenadors considerauen qu’auie de participar enes dues disciplines en mondiau, mès, lamentablaments Laia Papell prenec era decision per jo, sense dar-me ne opcion a parlà’c damb es mèns entrenadors e poder decidir!!! A estat fòrça decepcionant, que te trèiguen era plaça que t’as guanhat damb tant esfòrç e sacrifici. È trabalhat fòrça dur pendent era mia carrèra de patinador entà arténher prumèr ues minimes, e dempús, seguir en tot entrenar de valent entà guanhar eth nacionau que me portarie ath mondiau. Volie complir un objectiu, m’auesse encantat acabar era mia etapa d’individuau júnior damb eth Mondiau. Era vertat, ei que m’ac auie guanhat…”
Podetz liéger era entrevista plan interessanta de Tòn Cónsul tà Pink en:http://patinajepinkpower.com/showthread.php?tid=892&pid=9498#pid9498
Tòn, signèc un convèni damb eth Conselh Generau d’Aran e Foment Torisme Val d’Aran entà promòir era destinacion toristica esportiua Val d’Aran peth mon, representada ena imatge e enes valors deth joen patinador, e dera equipa que hè part, mejançant eth patrocini institucionau.
Vielha, 15 de març de 2017
Conselh Generau d’Aran: Núria Sanjuan
Hònt e fotos: Hielo Español