Barrament de pistes forestaus deth 5 ath 11 de noveme

Vielha, 5 de noveme de 2018.- Eth Conselh Generau d’Aran realize accions enes pistes forestaus laguens des trabalhs de melhora e conservacion des accèssi ar auviatge naturau e culturau dera Val d’Aran.

Prevision de talhs setmana deth 5 ath 11 de noveme:

Era pista de St. Joan, de Varradòs entà Vilamòs demorarà talhada pendent es 24 ores deth dia de deluns a dimenge.

Era pista de Varradòs, des deth horcadís d’Arròs enquia Bòrdes dera Artiga, de deluns a diuendres era pista demorarà talhada de 8:00 a 13:00 e de 14:30 a 19: 30 ores. Dissabte e dimenge era pista serà daurida.

Es pistes dera Artiga de Lin, deth Pònt deth Còc ath parcatge dera Ermita e enquiath Plan dera Artiga demoraràn talhades de 8:00 a 13:00 e de 14:30 a 19:30 ores de deluns ath dimèrcles. Eth rèste dera setmana enquiath dimenge era pista serà daurida.

Era pista de Mina Victoria, d’Arres de Sus ara Bassa d’Arres demorarà dubèrta tota era setmana, excèpte dijaus e diuendres, que serà barrada de 8:00 a 13:00 e de 14:30 a 19:30 ores.

Era pista de Mina Victoria, dera Bassa d’Arres en Bossòst, serà daurida ara circulacion pendent tota era setmana.

Era pista de Valarties, deth Pònt de Valarties ath Plan de Nera, demorarà dubèrta tota era setmana. Veir grafic adjunt

Es accions enes pistes forestaus des trabalhs de melhora e conservacion des accèssi ar auviatge naturau e culturau dera Val d’Aran, les amie a tèrme eth Conselh Generau d’Aran damb era collaboracion deth Hons Europèu de Desvolopament Regionau (FEDER), era Deputacion de Lhèida e era Generalitat de Catalonha a trauès deth departament de Politiques Digitaus e Administracion Publica.

Comments are closed.