Argent d’Andrea Rodríguez i dus 4aus lòcs entà Víctor Bultó en 1er Gran Premi GRANUEC de Pas de la Casa
Irene Ramón 3au en GS U10 e Ignacio Ibarbia 5au en SL U12 dera Audi quattro Cup – 22au Trofèu Amics de Montgarri en Baqueira Beret
Guillermo Meire 5au en Gigant U16 deth 27au Trofèu Club Esquí Terrassa en Masella
Entrenament competitiu dera equipa de Freeride Jordi Tenas deth Club CEVA de cara ath ElDorado Freeride Junior de Boí Taüll 2019 dera pròplèu dimenjada
Víctor Bultó e Guillermo Meire formen part deth programa de Pre Tecnificacion d’esquí aupin subvencionat peth Conselh Generau d’Aran
Vielha, 11 de hereuèr de 2019.- Dimenjada de torn ara competicion des equipes deth Club CEVA enes desparières pròves celebrades eth dissabte e eth dimenge damb eth 1er Gran Premi GRANUEC de Pas de la Casa, Audi quattro Cup – 22au Amics de Montgarri en Baqueira Beret e 27au Trofèu Club Esquí Terrassa en Masella.
En 1er Gran Premi GRANUEC de Pas de la Casa, era corredora deth Club CEVA Andrea Rodríguez Elosegui, artenhec ua magnifica 2au posicion en Gigant U14 Dames disputat eth dissabte. Pera sua part Víctor Bultó-Gil Vernet, artenhec era 4au posicion enes dus dies de competicion en Gigant U14 Òmes deth dissabte e en Slalom deth dimenge. Tanben cau destacar era competicion realizada per Alfonso Cubillo Goytre, 7au en Slalom U14 deth dimenge e era 10au posicion de Nicolás Meire García en Gigant e en Slalom U14.
Es esportistes deth Club CEVA tanben an participat aguesta dimenjada en 27au Trofèu Club Esquí Terrassa en Masella, a on Guillermo Meire García artenhec era 5au posicion en GS U16 masculin deth dissabte, e Hugo Soler Duffo- Martínez, acabèc 8au en SL U16 deth dimenge.
En çò que tanh ara participacion des esquiaires deth Club CEVA ena 2au pròva dera Audi Quattro Cup – 22au Trofèu Amics de Montgarri en Baqueira Beret en que participèren mès de 280 competidors dera categoria U12/U10 acompanhadi de familha e amics, era esquiaira deth Club CEVA Irene Ramón pugèc ath pòdium en 3au posicion en GS U10 e Ignacio Ibarbia siguec 5au en SL U12. En SG U10 deth dissabte, Irene Ramón siguec 4aua e Margarita Brotons acabèc en 6au posicion en U12 femenin e Ignacio Ibarbia artenhec eth 6au lòc en U12 masculin.
Pera sua part es integrants dera equipa de Freeride Jordi Tenas deth Club CEVA assistiren eth dissabte ara ponéncia sus nivología e seguretat ena montanha impartida ena sedença sociau deth Club peth geòleg e responsable deth Centre de Prevencion de Lauegi deth Conselh Generau d’Aran, Jordi Gavaldà. Era equipa tanben profitèc era dimenjada entà realizar un entrenament competitiu de preparacion entara pròva de ElDorado Freeride Junior de Boí Taüll dera pròplèu dimenjada.
Info: Club CEVA