Campanha de concienciacion deth Conselh Generau d’Aran entre es grani productors de fraccion organica deth Baish Aran

Vielha, 9 de junh de 2017.- Eth Conselh Generau d’Aran amiarà a tèrme pendent aguest mes de junh ua campanha de concienciacion intensiva entre es grani productors de fraccion organica de residus enes municipis deth Baish Aran.

file-1

Era campanha consistirà en ues visites personalizades as establiments des sectors otelèrs e restaurador, potenciaus productors de fraccion organica, a fin de detectar manques e besonhs entà facilitar era incorporacion e participacion des establiments en servici qu’eth Conselh Generau d’Aran ja a establit damb cinc dies de recuelhuda jornalièra dera fraccion organica separada en origina a trauès dera concesionaria deth servici Romero Polo, SA.

Dempús des positius resultats dera campanha deth darrèr iuèrn en Naut Aran, eth Conselh a considerat fòrça interessant promòir ua accion similara en rèste deth territòri pendent er estiu.

En marc der an Internacionau deth Torisme Sostenible entath Desvolopament, eth Conselh Generau d’Aran contunhe en tot apostar per aguest tipe d’accions qu’assoliden eth territòri coma ua destinacion toristica respectuós damb eth miei ambient. Era Val d’Aran siguec eth prumèr territòri de montanha en arténher era certificacion Biosphere qu’ac acredite coma destinacion toristica damb gestion responsabla e desvolopament sostenible.

Comments are closed.