Dimèrcles 25 d’abriu de 2018.- Eth CEI Val d’Aran de Casau aufrís eth pròplèu 8 de mai ua naua capsula formativa gratuïta damb eth títol de “Coneish es tendéncies deth mercat laborau entà èster un candidat competitiu”, que correrà a cargue d’Erika Arenas Soria, Licenciada en Psicologia e Mastèr en Direccion de RRHH.

Era capsula formativa serà eth dia 8 de mai de 10:00 a 14:00 ores en Centre d’Enterpreses Innovadores Val d’Aran, Plaça Naua, 1 de Casau.

Es inscripcions entà participar se pòden formalizar en www.ceivaldaran.org o en hilat corresponent dera web deth Conselh Generau d’Aran www.aran.org, e tanben en tot telefonar ath telf. 973 64 18 01.

Es capsules deth CEI Val d’Aran son gratuïtes e se dirigissen a totes es persones o enterpreses interessades en ampliar era sua formacion. Totes es persones inscrites auràn de portar eth DNI, NIE o fotocòpia deth document.

Es corsi e capsules formatives son organizades peth madeish CEI Val d’Aran e eth Conselh Generau d’Aran en collaboracion damb era Deputacion de Lhèida e GlobaLleida, damb eth supòrt deth Departament d’Empresa i Ocupació dera Generalitat de Catalunya, Catalunya Emprèn e eth Hons Sociau Europèu.