Pendent eth mes de hereuèr eth Conselh Generau d’Aran, a trauès der airau de Desvolopament Economic e damb eth patrocini dera Deputacion de Lhèida, aufrirà amassa damb GlobaLleida dues capsules formatives tecnologiques dirigides a toti aqueri emprenedors e empresaris dera Val d’Aran que siguen restacadi o interessadi en sector des naues tecnologies.

Era prumèra capsula, jos eth títol de “Mdirector”, aurà lòc eth pròplèu dia 9 de hereuèr e anarà a cargue d’Angel Fulquet Salas, desvolopador de jòcs e CEO de Gamification Games e Vivanda Mobile.

Era dusau capsula, damb eth títol de “Cors de Podcasting”, serà eth 23 de hereuèr impartit per Albert Calzada Ribalta, desvolopador web especialista en WordPress.
Ambdues capsules se realizaràn en CEI Val d’Aran de Casau, en sessions de 16 a 18 ores e de 18:30 a 20:30 ores (es capsules an ua durada de 4 ores damb 30 menutes de pausa).

Coma eth rèste de capsules formatives aufrides peth Conselh Generau d’Aran en collaboracion damb GlobaLleida, era participacion ei gratuïta, encara que cau formalizar era inscripcion en tot telefonar ath Conselh Generau d’Aran (973 64 18 01) o plan en tot enviar un corrèu electronic a c.barra@aran.org