Vielha, 13 de desembre de 2017.- Aguesta setmana en ADDA era Associacion Discapacitats dera Val d’Aran celebrèren eth Nadau.

Era celebracion servic tà hèr ua repassada des multiples activitats amiades a tèrme pendent er an 2017 pera associacion e entà auançar enes projèctes qu’an preparadi entà er an que ven. Entre eri i a era participacion per prumèr còp ena istòria des Jòcs Special Olympics des membres d’ADDA. Es Special Olympics se celebraràn ena Seu d’Urgell e Andòrra deth 4 ath 7 d’octobre de 2018.
Laguens des accions previstes entà er an que ven en centre, tanben i a eth renauiment integrau dera codina e eth renauiment des persianes des installacions d’ADDA, damb un pressupòst de 12.800 €, que se realizaràn mercés ath convèni de collaboracion signat peth Conselh Generau d’Aran damb La Fundació “La Caixa”.