Es passats 17 e 18 de març era pista de gèu de Puigcerdà acuelhec eth Campionat de Catalonha des categories de nivèu nacionau
Era pista de gèu de Puigcerdà acuelhec era passada dimenjada es Campionats de Catalonha Open de patinatge artistic, a on es patinadors de Catalonha, Aragon e Andòrra puntuaven entara 27au Liga Catalana dera especialitat.
Era equipa aranesa Club Espòrts de Gèu Val d’Aran (CEGVA) artenhec uns boni resultats, damb cinc pòdiums, ua prumèra posicion, tres dusaus places e ua tresau posicion. Es patinadors mostrèren eth sòn maximal nivèu en La Cerdanya enes dus programes que formauen era competicion, eth liure e eth cuert.
Ena 2au Categoria es patinadores deth CEGVA, Georgina Serrallach (29.70) e era aranesa, Iria España (26.22) aucupèren era dusau e tresau plaça.
En Basic Novice B, era aranesa, Lucía Sánchez, deth CEGVA siguec era melhor patinadora damb 30.59 punts, ath temps qu’era sua companha de club, era tanben aranesa, Claudia Capdevila, siguec dusau (27.57), e en Basic Novice A, es araneses Naia España e Irene Aris artenheren era dotzau posicion (27.63) e era catorzau (24,50) respectivaments.
En Novice Advance, es araneses, Sara Monteagudo e Aina Masip, obtengueren era ueitau posicion (66,47) e era onzau (60,20) respectivaments, en ua categoria tostemp fòrça disputada.
Ena categoria Júnior ISU, soslinhar era dusau posicion de Griselda Serrallach deth CEGVA (97.62).
Vielha, 21 de març de 2018
Conselh Generau d’Aran: Núria Sanjuan
Hònt e fotos: CEGVA