Comencen es òbres de reubicacion des servicis administratius der Espitau dera Val d’Aran

Vielha, 10 de noveme de 2017.- Eth sindic d’Aran, Carlos Barrera, acompanhat per Mª Angels Borràs, directora deth SABS (Servici Aranés de Benèster e Salut), a visitat es òbres de reubicacion des servicis administratius der Espitau dera Val d’Aran que se plaçaràn en uns locaus adjacenti ath madeish espitau que sigueren aqueridi peth Conselh Generau d’Aran.

Es servicis administratius e de direccion der espitau aucuparàn un locau de dues plantes damb un totau de 287m, a on s’installaràn es burèus des servicis administratius e de direccion der espitau e deth servici aranés de Benèster e Salut, 3 sales de reünions multi usatges e er archiu der espitau.

Eth Govèrn d’Aran destine un pressupòst de 123.953 € ara reforma interiora des naues installacions.

Es espacis liberadi en Espitau aurien de perméter iniciar es següentes fases de reforma der Espitau dera Val d’Aran, consistentes en traslat deth laboratòri e era reforma deth blòc quirurgic e obstetric damb eth bastiment de dus naui quirofans ena actuau bastissa der espitau, encara que segontes eth sindic d’Aran, Carlos Barrera, tot depenerà de com evolucione era actuau situacion politica en Catalonha e era deth Govèrn dera Generalitat de Catalonha.

Ei previst qu’aguestes òbres que realize era enterpresa aranesa Barba S.L., siguen finalizades a fins d’an entà qu’es naui espacis poguen entrar en foncionament en mes de gèr der an 2018.

Comments are closed.