Vielha, 29 de junh de 2018.- Eth Govèrn d’Aran, laguens des accions de melhora des parades d’autobús, a realizat era substitucion des pannèus de veire per uns auti de tòla ena parada de Mijaran de pujada en sentit Vielha, entà melhorar era seguretat e eth confòrt des usatgèrs deth servici intèrn de transpòrt public collectiu ena Val d’Aran.

Es trabalhs les a realizadi era enterpresa Servicis Ambientaus dera Val d’Aran (SAVAS.L.), qu’enes pròplèus dies tanben realizarà era madeisha accion enes parades der autobús en Betren.

Aguestes accions hèn part des accions contunhades de melhora en servici de transpòrt public collectiu ena Val d’Aran qu’an darrèr an incremente eth nombre d’usatgèrs. Es melhores an consistit es darrèri ans ena installacion de pantalhes informatives enes parades entà que es usatgèrs poguen conéisher eth temps de demora e mantier-se informadi se se produsís quauqua incidéncia, era modernizacion dera flòta d’autobusi, e eth renfortiment deth servici en moments puntuaus dera sason d’iuèrn pendent eth pònt dera Puríssima e en Nadau ena linha intèrna de Les – Baqueira Beret.