Eth departament de Desvolopament Economic deth Conselh Generau d’Aran e GlobaLleida organizen eth pròplèu 29 de març ua naua capsula formativa jos eth títol de “Connecta damb era tua passion e convertís-la ena tua profession” en CEI Val d’Aran de Casau. Eth cors serà impartit per Ana Campos Tomás, Consultora e formadora en Coaching e Lideratge.
Aguesta capsula formativa va dirigida majoritàriaments a persones interessades ena utilizacion des naues tecnologies e de com poder convertir ua aficion e es coneishences que se desprenen entà enfocar-les entà ua trajectòria professionau. Tanben pòt interessar a empresaris e emprenedors dera Val d’Aran que volguen compatibilizar un Hobby entà melhorar en sòn sector professionau.
Era capsula formativa se realizarà damb es següents oraris en sessions de 16:00 a 18:00 ores e de 18:30 a 20:30 ores, en CEI Val d’Aran Plaça Naua, 1 Casau.
Coma eth rèste de capsules formatives aufrides peth Conselh Generau d’Aran en collaboracion damb GlobaLleida, era participacion ei gratuïta, encara que cau formalizar era inscripcion en tot contactar ath Conselh Generau d’Aran (973 64 18 01) o en tot enviar un corrèu electronic a c.barra@aran.org .
Era capsula formativa “Connecta damb era tua passion e convertís-la ena tua profession” compde damb eth patrocini dera Deputacion de Lhèida.
