Dubèrtes es inscripcions entara XXau edicion dera “Corsa e Caminada des 15 pòbles”

Vielha, 21 de junh de 2016.- Un an mès es volontaris d’Aran, organizen era Corsa e Caminada des 15 pòbles.

Eth pròplèu 28 d’agost aurà lòc era XXau edicion dera Corsa e Caminada des 15 pòbles, amassa damb era XXVIIau edicion deth trofèu Roland Ginè, eth 3au Trofèu Maribel e Iñigo, e eth 1èr Trofèu Arturo Riba.

Era Corsa e Caminada des 15 pòbles s’a assolidat coma ua activitat esportiua que des des sòns origens se marquèc coma objectiu era recuperacion des antics camins e es vies de comunicacion entre es pòbles pirenencs, en tot passar a hèr part der auviatge naturau e tanben istoric dera Val d’Aran.

cartel

Era distància ei de 21Km. Eth desnivèu positiu dera corsa ei de 1.300 m e eth negatiu ei de 1.200 m. De totes manères, eth recorregut compde damb tres opcions mès:

  • Caminada de 15 km damb 830 m de desnivèu positiu e 730 m de desnivèu negatiu.
  • Caminada de 5 km damb 200 mètros de desnivèu negatiu.
  • Còrsa Juvenila entàs neishudi en 1998 e següents damb eth madeish recorregut qu’era Caminada de 5 km.

Des d’aué es inscripcions ja son dubèrtes e se pòden formalizar a trauès dera web dera Còrsa des 15 pòbles enquias 24:00 ores deth 25 d’agost.

Tanben en Banc Sabadell de Vielha: enquiath 26 d’agost as 14:00 ores.

E presenciaument, eth dissabte 27 d’agost de 10 a 13 ores e de 17 a 20 ores en Conselh Generau d’Aran.

Era Corsa e Caminada des 15 pòbles compde damb eth patrocini e era collaboracion deth Conselh Generau d’Aran e de Foment Torisme Val d’Aran.

Tota era informacion ací http://www.corsa15pobles.org/

Comments are closed.