Dubèrtes es inscripcions online pera 5au Còrsa dera Hemna 2018

Vielha, 8 de hereuèr de 2018.- Era Còrsa dera Hemna organizada peth Servici d’Informacion e Atencion ara Hemna (SIAH) deth Conselh Generau d’Aran en collaboracion damb eth Conselh Esportiu dera Val d’Aran e era Associacion Volentaris Val d’Aran arribe enguan ara 5au edicion.

Era 5au Còrsa dera Hemna se celebrarà en Vielha eth pròplèu dimenge 11 de març de 2018 laguens des actes organizadi damb motiu deth Dia Internacionau des Hemnes.

Coma ja ei tradicionau era edicion dera Còrsa dera Hemna d’enguan se daràn tres prèmis pes següentes categories:

Absolutes hemnes; Juvenil; Sènior; Mastèr 30; Mastèr 40; Mastèr 50; Absoluts òmes.

Es inscripcions online ja se pòden formalizar a :

https://www.inscripcions.cat/corsaderahemna2018/

Es inscripcions tanben se poderàn realizar presencialament eth diuendres 9 e dissabte 10 de març pera tarde de 17 a 20 ores ena plaça deth Conselh Generau d’Aran.

Eth prètz dera inscripcion ei de 3€.

Era recuelhuda de dorsaus se poderà realizar ena plaça deth Conselh Generau d’Aran, eth diuendres 9 e dissabte 10 de març pera tarde de 17 a 20 ores.

Era gessuda e arribada dera Còrsa se harà ena plaça deth Conselh Generau d’Aran. Er orari dera gessuda dera 5au Còrsa dera Hemna serà entàs 11 ores deth dia 11 de març de 2018.

Vos animam a participar!

Comments are closed.