Enta Setmana Santa torne eth Cicle Romanic Musicau dera Val d’Aran

Vielha, 20 de març de 2018.- Eth Cicle Romanic Musicau de visites-concèrt enes glèises dera Val d’Aran, en ua formula que combine explicacions sus es glèises romaniques dera Val d’Aran damb concèrts de musica classica en aguest cicle assolidat, torne aguesta Setmana Santa entà apropar as toristes e as aranesi ara istòria der auviatge aranés e mostrar era evolucion des monuments dera Val d’Aran, restacada ara des sòns costums e es sues tradicions.

Es concèrts de musica classica deth Romanic Musicau comencen damb un audiovisuau sus era glèisa a on se celèbre, comentat pera istoriana Elisa Ros, expèrta en romanic aranés. Patrocinat peth Conselh Generau d’Aran e Foment Torisme Val d’Aran, damb era collaboracion der Institut d’Estudis Ilerdencs e er Archiprestat dera Val d’Aran, aguest cicle de concèrts gratuïts refortilhe eth programa de visites guidades ath auviatge qu’amie a tèrme eth Conselh Generau d’Aran.

Es concèrts de Setmana Santa 2018:

Diuèndres 30/03/2018 – Glèsia de Santa María d’Arties – Ora: 19:30h. En Clau de Do. Quartet de violes.

Dimenge 01/04/2018 – Glésia dera Mair de Diu dera Purificacion de Bossòst – Ora: 19:30h. Quartet Ressonància. Violin, viola e violoncel. 

Comments are closed.