Er aranés deth CAEI, Lluc de Castellarnau, guanhe eth “1èr Gran Prèmi GranUec” en GS U14

 

Era dimenjada passada se disputèc eth 1èr Gran Prèmi GranUec ena categoria U14. Era competicion consistic en dues pròves, un GS eth dissabte e un SL eth dimenge, damb ua nauta participacion de 60 corredores e 69 corredors.

Eth dissabte claregèc damb solei e temperatures d’iuèrn perfèctes entà disputar-se era prumèra competicion. Se poderen veir polides baishades des participaires. Eth nòste corredor, Lluc de Castellarnau, s’aucèc damb era victòria generau, damb ua bona dusau manja. Destacar tanben eth bon papèr des corredors deth club Marc Ubeira, Víctor Puente e Gabriela Zoido que se classifiquèren ena 6au, 7au e 12au posicion respectivaments.

Eth dimenge se disputaue eth SL, en ua pista idonèa entà córrer. Coma eth dissabte, se vederen baishades enes quaus es corredors anèren ath limit. Eth nòste melhor corredor siguec un aute viatge Lluc de Castellarnau en tot auçar-se damb era dusau posicion dera generau. Soslinhar es polides baishades que realizèren Víctor Puente que s’aucèc damb era 7au posicion e Eneko Ros damb era 11au.

En gojates destacar era 6au posicion generau de Paz Vidaor, corredora deth prumèr an e era 10au de Nora Olivella.

 

Mès informacion: http://www.caei.es/

 

 

 

 

 

 

Vielha, 14 de hereuèr de 2019

 

Conselh Generau d’Aran: Núria Sanjuan

Informacion e fotos: CAEI

Comments are closed.