Er aranés, Tòn Cónsul Vivar, 3au en Open d’Andorra

Deth 18 ath 22 de noveme se celebrèc er Open d’Andorra ISU de patinatge artistic sus gèu en Canillo, competicion internacionau a on eth joen aranés, Tòn Cónsul, acabèc 3au.

OpenAndorra-G2-106

 

Er aranés, Tòn Cónsul, dera seccion de patinatge artistic sus gèu deth FC Barcelona acabèc 3au en Open Andorra ena categoria Júnior.

Tòn completèc de forma excellent eth doble axel + triple toe, maugrat qu’acumulèc un parelh de glòbus e un problèma ena pirueta baisha cambiada, executèc dus triple salchow, un triple bucle e un aute doble axel, coma instants mès destacadi. Tant es piruetes coma es passi sigueren de nivèu 3. Arrecebec ua nòta de 99,29 per un totau de 156.91, en tot acabar tresau.

OpenAndorra-s

 

En aguesta competicion, Tòn melhorèc era sua mèrca.

Tòn, signèc un convèni damb eth Conselh Generau d’Aran e Foment Torisme Val d’Aran entà promòir era destinacion toristica esportiua Val d’Aran peth mon, representada ena imatge e enes valors deth joen patinador, e dera equipa deth que hè part, mejançant eth patrocini institucionau.

Comments are closed.