Er aranés, Tòn Cónsul Vivar, guanhador deth Trofèu George Either en Canadà

En parelhes, ath costat d’Alexanne Bouillon, finalizèren tresaus.

 

tòn cónsul- canadá

Foto: FEDH

 

Dissabte passat 24 de seteme, eth patinador aranés de patinatge artistic sus gèu, Tòn Cónsul Vivar, se proclamèc guanhador en Canadà deth Trofèu George Either.

 

tòn cónsul2- canadá

 Foto: FEDH

 

Ena categoria de parelhes, Tòn Cónsul, amassa damb era joena, Alexanne Bouillon, finalizèren tresaus en programa cuert deth Trofèu George Either damb ua puntuacion de 36,82 punts.

Tòn Cónsul marchèc eth passat mes de junhsèga tà Canadà (Montreal) jos es ordes der entrenador Bruno Marcotte, qu’actuauments a ena sua equipa ara parelha campiona deth mon 2016, formada per Meagan Duhamel e Eric Radford.

Bruno Marcotte, ei considerat coma un des melhors entrenadors de parelhes deth mon.

Tòn, encara ei júnior e a estat es dus darrèri ans subcampion d’Espanha, eth sòn entrenador, Bruno Marcotte, li a explicat qu’en gèr de 2017 serà eth moment d’obtíer punts entà poder anar tath Mondiau dera China (en març de 2017).

Tòn Cónsul, seguís era sua formacion academica e estudie Administracion e Direccion d’Empreses a distància ena Universitat de La Rioja.

Tòn Cónsul Vivar, becat peth Consell Català de l’Esport, residic des deth 2013 ena residéncia Blume (Barcelona) a on entrenaue individuau jornalièraments damb eth FCB ath costat deth sòn entrenador, Patrick Capmartin.

Tòn, signèc un convèni damb eth Conselh Generau d’Aran e Foment Torisme Val d’Aran entà promòir era destinacion toristica esportiua Val d’Aran peth mon, representada ena imatge e enes valors deth joen patinador, e dera equipa que hè part, mejançant eth patrocini institucionau.

 

 

 

Vielha, 26 de seteme de 2016

 

Conselh Generau d’Aran: Núria Sanjuan 

Foto: FEDH

Comments are closed.