Foto: Hielo Español

Eth patinador aranés de 18 ans, Tòn Cónsul Vivar, joena promesa dera elèit deth patinatge artistic sus gèu, participarà deth 28 de seteme ar 1 d’octobre enes pròves ISU Junior Grand Prix en Tallin (Estonia).

Tòn Cónsul guanhèc eth passat 24 de seteme en Quebec (Canadà) eth Trofèu George Either. En madeish campionat ena categoria de parelhes amassa damb era joena, Alexanne Bouillon, finalizèren tresaus en programa cuert damb ua puntuacion de 36,82 punts.

Tòn, encara ei júnior e a estat es dus darrèri ans subcampion d’Espanha, marchèc eth passat mes de junhsèga en Canadà (Montreal) jos es ordes der entrenador Bruno Marcotte, considerat coma un des melhors entrenadors de parelhes deth mon, actuauments a ena sua equipa ara parelha campiona deth mon 2016, formada per Meagan Duhamel e Eric Radford.

Tòn, signèc un convèni damb eth Conselh Generau d’Aran e Foment Torisme Val d’Aran entà promòir era destinacion toristica esportiua Val d’Aran peth mon, representada ena imatge e enes valors deth joen patinador, e dera equipa que hè part, mejançant eth patrocini institucionau.

Vielha, 28 de seteme de 2016

Conselh Generau d’Aran: Núria Sanjuan