Era enginheria aranesa Arantec presente es naues solucions “Smarty Planet” en Meteorological 2018

Vielha, 10 d’octobre de 2018.- Era enginheria aranesa Arantec, enterpresa especializada entà proporcionar solucions “cloud” entara medicion e contròl de fenomèns mieiambientaus, participe entre es dies 9 e 11 d’octobre en Meteorological Technology World Expo 2018 en Amsterdam, era expo mondiau de tecnologia meteorologica a on presente es naues solucions Smarty Planet.

Era enterpresa dera Val d’Aran Arantec Engineering formada per un grop d’enginhèrs, programaires e dessenhaires ei especializada en hilats de sensors inalambrics (WSN) ath servici des Smart Cities e comercialize jos era mèrca Smarty Planet solucions cloud entara medicion e contròl de fenomèns mieiambientaus e entara Internet des Causes (IOT).

Arantec Engineering desvolòpe solucions complètes de monitorizacion e telecontròl, dessenhades entàs besonhs de desparièrs sectors, coma, òbres idrauliques, carretères, ciutats intelligentes, agricultura, aeropòrts e camins de hèr.

Es estacions de sensors Smarty Planet son solucions de monitorizacion e telecontròl dessenhades especificaments entà cabaus e arrius (Smarty River), monitorizacion dera nhèu (Smarty Snow), quantitat e qualitat dera aigua (Smarty Water), estacions meteorologiques (Smarty Meteo), contròl d’incendis forestaus (Smarty Forest), qualitat acostica e ambientau (Smarty Sound) e qualitat der aire (Smarty Air).

Ua des solucions innovadores que Arantec presente en aguesta edicion de Meteorological 2018 ei er anomenat “Smarty Flow“, consistent en un radar doppler que mesure nivèu e velocitat, e per tant cabau, sense contacte damb era aigua. Ua equipa que s’adapte tant ara medicion de captacions de hònts naturaus en lámina liura coma colectors de provediment e sanejament.

Era enginheria aranesa desvolòpe es sòns projèctes en Espanha, Euròpa, Sudamérica e Asia, ath delà d’implementar es solucions Smarty Planet en collaboracion damb diuèrsi Partners en Portugau, Andòrra, Estònia, França, Malta, Mexic, Còsta Rica, Panamà, Veneçuèla, Colómbia, Eqüator, Bolívia, Chile, Argentina, Brasil e Corèa deth Sud.

Arantec Engineering siguec distinguida damb er ANYWHERE Innovation Challenge eth darrèr mes de març en Spiez, Soïssa.

Comments are closed.