• Eth III Prèmi Collaborador e Espòrt Pitu Figueras 2015, ei ua reconeishença as valors der espòrt.

• Era FCEH liurarà eth guerdon ara Associacion de Volentaris Val d’Aran eth 3 de junh en Musèu Olimpic pendent er acte de prèmis dera sason 2014-15 e der espòrt Joan Antoni Samaranch.

• Tanben se harà ua reconeishença ath Club d’Esquí Val d’Aran (CEVA), qu’enguan celèbre eth sòn 50au anniversari.

• Eth Club Aranés d’Espòrts d’Iuèrn (CAEI) arreceberà eth prèmi coma 1èr classificat dera Liga Infantila en esquí aupin.

Volentaris d’Aran damb eth vicesindic d’Aran e conselhèr d’Espòrts, Luís Carlos Medina, en tot finalizar era Maxa Beret d’enguan.

Era Federacion Catalana d’Espòrts d’Iuèrn (FCEH) celebrarà eth dia 3 de junh er acte de liurament de prèmis dera sason 2014-15 qu’aurà lòc en Musèu Olimpic e der Espòrt Joan Antoni Samaranch de Barcelona. Pendent era celebracion se transmeterà era felicitacion e arregraïment as clubs d’espòrts d’iuèrn catalan e as sòns esportistes qu’an darrèr an hèn possible era obtencion de tot eth calendari dera FCEH, mercés ara sua implicacion ena organizacion des competicions celebrades en Ctalonha. Ath delà, se harà ua reconeishença ara trajectòria deth Club d’Esquí Val d’Aran (CEVA), qu’enguan celèbre eth sòn 50au anniversari. Pendent er acte se premiarà as clubs qu’an artenhut es melhors resultats enes Ligues Catalanes des diferentes modalitats des espòrts d’iuèrn, entre eth quau i a eth Club Aranés d’Espòrts d’Iuèrn (CAEI) – 1èr classificat dera Liga Infantila.

III Prèmis Collaborador e Espòrt Pitu Figueras 2015: Associacion de Volentaris Val d’Aran

Aguesta sason era reconeishença as valors der espòrt serà entara Associacion de Volentaris Val d’Aran, que serà premiada en Musèu Olimpic e der Espòrt damb eth III Prèmi Collaborador e Espòrt Pitu Figueras 2015, ua iniciatiua dera Junta Directiva dera FCEH damb er objectiu de hèr visible eth papèr des collaboradors e volontaris enes espòrts d’iuèrn. Es membres deth jurat que formen era Comission d’aguest prèmi an decidit arreconéisher a tota era equipa de mès de 120 volontaris era sua desinteressada dedicacion envèrs eth mon dera competicion d’espòrts d’iuèrn, es prètzhèts de volontariat de tot tipe qu’amien a tèrme, es sues dots organitzatives, eth sòn esperit collaboratiu e era sua capacitat entà amassar e motivar ua grana equipa uman tant a nivèu esportiu, coma sociau e uman. Eth prèmi serà ua escultura singulara creada peth gendre deth Dr. Figueras, Iñaki Castillo, allegorica as valors d’altruisme e de trabalh desinteressat per espòrt, cossent damb er esperit qu’eth Dr. Josep MªFigueras practiquèc pendent tota era sua vida.

Qui son es Volentaris Val d’Aran?

Era Associacion de Volentaris Val d’Aran neishec er an 2006 a iniciatiua deth Departament de Joenessa deth Conselh Generau d’Aran entà poder dar cobertura as besonhs sorgidi arraïtz dera celebracion d’ua etapa deth Tour de França ena Val d’Aran. A compdar d’alavetz, aguesta Associacion a contunhat en tot hèr prètzhèts de volontariat de tot tipe, tant a nivèu sociau, coma uman, coma esportiu… eca. Ena actualitat son mès de 120 volontaris e volontàries que participen e collaboren de manèra totauments altruïsta en fòrça accions pes que se les requerissen. Ena actualitat en çò que mès incidéncia an ei era en esportiu, sustot ena sason d’iuèrn que participen ath long d’eth e collaboren ena majoria des pròves esportiues que se realizen: Marxa Beret, Campionats d’Espanha de Muixing, Campionats Audi Quattro Cup, Marcha Populara Raquetes en Parros, Campionats d’Esquí aupin gigant, supergegant e eslalom de totes es categories, eca.

Eth vicesindic d’Aran e conselhèr d’Espòrts, Luís Carlos Medina, a manifestat “aguest prèmi patentize eth gran prètzhèt d’aguest collectiu ena organizacion d’eveniments e arreconeish eth trabalh altruïsta des sòns membres. Era Associacion Volentaris d’Aran a demostrat ua grana professionalitat aguesti darrèri ans e atau s’a vist en eveniments esportius coma era Còrsa des 15 pòbles (organizada integrament per eri), era Marxa Beret, Pedals de Foc Non Stop o era Val d’Aran Cycling Tour. Ei un collectiu estimat e fòrça important entara nòsta societat. Felicitats!”