Era inauguracion oficiau deth Snowfest Pirineus, arranque era sason d’iuèrn 2015/2016 ena Val d’Aran

Inaguración para profesionales - Aymar Navarro - Padrino del evento , SnowFest 2015, Palacio de los Deportes de Vielha - Val d'Aran - Lleida, 27/11/2015; SnowFest/Gorka Martinez

Aué diuendres 27 de noveme en Palai d’Esports de Vielha a agut lòc er acte de presentacion deth Snowfest Pirineus 2015, qu’aumplirà d’activitats restacades damb eth mon der esquí e dera nhèu tota era dimenjada ena Val de Aran.

Snowfest Pirineus 2015, ei eth hestivau dera nhèu que neishec en 2013 e qu’enguan celèbre era sua tresau edicion deth 27 ath 29 de noveme ena Val d’Aran, entà dar era benvenguda ar iuèrn enes Pirenèus. Er eveniment diferéncie dus aspèctes: un Hestivau, damb activitats esportiues, ludiques, artistic- culturaus, musicaus e gastronomiques a trauès d’un complèt programa entà toti es publics que rebat era manèra de vida e es activitats de montanha mès destacades des Pirenèus centraus, e ua hèira, damb eth salon d’iuèrn Winter Expo en Palai d’Esports de Vielha, a on s’exibirà pendent tota era dimenjada ua ampla aufèrta de prumères mèrques de nhèu (ròba tecnica e materiau d’espòrt), mòda d’iuèrn, es prepauses d’òci de torisme iuernau e era presentacion des eveniments dera sason de nhèu.

Bombon especial - Oriol Balaguer para evento, SnowFest 2015, Palacio de los Deportes de Vielha - Val d'Aran - Lleida, 27/11/2015; SnowFest/Gorka Martinez

Totes aguestes activitats son organizades pera Associacion deth Comerç de Vielha, Conselh Generau d’Aran, Torisme Val d’Aran, Baquèira-Beret e era collaboracion des Ajuntaments de Vielha e Mijaran, Bossòst e Naut Aran, era Diputació de Lhèida e eth Consorci de Comerç i Mòda de Catalonha (Generalitat de Catalonha) damb era participacion de fòrça autes entitats e establiments collaboradors que s’an somat a ua celebracion daurida a tota restacada damb era natura e era nhèu.

Aderes Gomez  - Pau Perdices - Juan Antonio Serrano - Aymar Anavarro - Luis Carlos Medina (Conselher d'Esports) - Toño Beso (presidente gemi comerciantes vielha) - Oriol Balaguer (pastelero), SnowFest 2015, Palacio de los Deportes de Vielha - Val d'Aran - Lleida, 27/11/2015; SnowFest/Gorka Martinez

Era inauguracion a compdat damb era preséncia d’Aymar Navarro, campion de freeriding, qu’a actuat coma pairin deth Snowfest Pirineus 2015, Anna Díaz, conselhèra de Torisme e Desenvolupament Econòmic d’Aran e eth vicesindic 1er e conselhèr d’Esports d’Aran, Luis Carlos Medina, er olimpic aranés e apertanhent ara equipa nacionau dera RFEDI, Álex Puente, acompanhadi de Toño Beso, director Snowfest Pirineus 2015 e de Xavier Ubeira, sosdirector comerciau de Baqueira Beret, entre d’auti.

Ara inauguracion toti es assistents an pogut gaudir eth bombon qu’a elaborat en exclusiva enta d’aguesta edicion deth Snowfest Pirineus, eth mèstre gormand Oriol Balaguer, que tanben serà er encargat deth talhèr de degustacion deth trabalh damb chicolate de deman dissabte pera tarde.

Es activitats pendent aué diuendres contunhen damb era Rota Snowfest Tapes, Snowfest flashmob e era projeccion en Avant-Première deth film “Aguestes Montanhes- Històries de Baqueira”, ena Sala Polivalenta de Salardú as 22:30h.

Tota era informacion deth rèste d’activitats dera dimenjada deth Snowfest Pirineus 2015, la trobaràtz en www.snowfest.

Snowfest Pirineus 2015 da tanben era possibilitat a toti es assistents de conéisher era cultura e er auviatge istoric aranés per un costat e, per un aute mostrar a toti es visitants era ampla aufèrta de lotjament, gastronomica e d’òci dera Val d’Aran.

Comments are closed.