Era oelha de raça aranesa ena Hèira Internacionau de Ramaderia de Saragossa FIGAN 2015

Eth ramadèr aranés de Salardú, Eric España, ei er unic representant de Catalonha dera oelha de raça aranesa en aguesta Hèira Internacionau.

FIGAN 2015_HEMBRA DE RAZA ARANESA. FOTO ROSA AVELLANETFoto: Rosa Avellanet

Era Associacion de Criadors d’Ovin de Raça Aranesa (ACORA) a presentat ena hèira Internacionau FIGAN 2015, que se celèbre en Saragossa deth 17 ath 20 de març, ua exposicion de bestiar d’aguesta raça dera Val d’Aran, considerada en perilh d’extincion.

 

FIGAN 2015_BORREGAS ARANESAS. FOTO ROSA AVELLANETFoto: Rosa Avellanet

Eth concrèt, s’expausen tres lòts d’animaus dera ramaderia der aranés, Eric España, de Salardú (Naut Aran), compausadi per tres femelhes adultes, tres borregues e dus mascles.

Eth conselhèr d’Agricultura, Ramaderia e Miei Naturau d’Aran, Jose E. Arró, a manifestat “era oelha de raça aranesa, compde damb un cens d’uns 3500 caps e 41 ramaderies inscrites, destaque peth sòn gran potenciau càrnic, pes sues potentes encornadures e tanben pera qualitat dera sua lan, qu’ei objècte d’atencion per bèri mestieraus.”

DIGITAL IMAGEFoto: Rosa Avellanet

Era Associacion de criadors trabalhe a compdar deth 2004 entara conservacion, seleccion e promocion dera raça, en tot gerir eth sòn Libre Genealogic a compdar de 2008 e eth sòn Programa de Melhora e Conservacion. Actuauments i a 40 ramaderies inscrites en Lhèida (Val d’Aran, Palhars Sobirà e Segrià) e ua en Girona (Garrotxa).

Comments are closed.