Vielha, 1 de deseme de 2017.- Era Oficina de Joenessa a plaçat eth dia mondiau dera luta contra eth Sida, nau punts d’informacion en tota era Val d’Aran que tracten sus aguesta malautia. Cada punt acuelh materiau informatiu. Es punts d’informacion s’an distribusit ath long deth territòri aranés: en punt Omnia eth Haro de Les, ena Escòla d’Ostalaria de Les; ena zona deportiva de Bossòst; en Espitau Val d’Aran, en Institut d’Aran, ena Oficina de Joenessa, ena sedença deth Conselh Generau d’Aran, en centre de formacion d’adults Val d’Aran e ena Aubèrja “Era Garona” de Salardú.

Damb eth plaçament d’aguesti punts, se sage d’informar as gojats e gojates sus era prevencion deth VIH, es malauties de transmission sexuau e es embarassi non desiradi e sus es accions de supòrt as persones, collectius, familiars o comunautats afectadi pera malautia e era sua estigmatizacion.