Ath delà, eth 8 d’octobre aurà lòc en Vielha, eth XIIIau Concors Morfologic “Cavall Pirenenc Catalan”.
Era hèira de Bossòst aurà lòc eth dissabte, 29 d’octobre.
En tot coïncidir damb era arribada dera tardor, ena Val d’Aran se celèbre ua naua edicion des hèires d’animaus e comèrç deth 6 ath 8 d’octobre. Ua sèria de jornades enes quaus se pòt conéisher ua des activitats tradicionaus dera Val d’Aran com ei era ramaderia, sector principau enquia hè diuèrsi decènnis.
Programes:
Dijaus, 6 d’octobre:
- Hèira de Les:
08:00 ores. Arribada deth bestiar.
09:00 ores. Dubertura deth recinte dera hèira.
10:00 ores. Esdejoar popular damb era collaboracion dera Escòla d’Ostalaria de Les.
Diuendres, 7 d’octobre:
- Hèira de Salardú:
10:00 ores. Arribada deth bestiar.
10:30 ores. Esdejoar popular aufrit per Ajuntament deth Naut Aran.
11:00 ores. Mòstra de bestiar: oelhes, vaques e shivaus.
Dissabte, 8 d’octobre:
- Hèira de Vielha:
10.00 ores. Esdejoar popular en recinte dera hèira (plaçat ena Av. Baile Calbetó ath cant der antic camp de fotbòl)
10 :00 – 11:00 ores. Inscripcions deth bestiar participant en XXXau. Concors de Bestiar dera Hèira de Vielha
Ara seguida, avaloracion des exemplars per part deth jurat.
10 :00-14:00 ores. Celebracion deth XIIIau. Concors Morfologic Comarcau deth « Cavall Pirinenc-Català »
14 :00 ores. Entrèga der incentiu d’assisténcia as pagesi participants e repartiment de prèmis
Pendent tot eth maitin:
Activitats e jòcs entara mainadèra
Passejades en carres de shivaus per Vielha
En paraules deth conselhèr d’Agricultura, Ramaderia e Miei Naturau d’Aran, Jose E. Arró, “damb aguestes hèires se poténcie era ramaderia ena Val d’Aran, un des sectors presents en nòste territòri, atau coma hèm conéisher es races autoctònes araneses”.
Vielha, 30 de seteme de 2016
Conselh Generau d’Aran: Núria Sanjuan