Era Val d’Aran acuelherà era gessuda dera nauau etapa deth Tour de França 2016

Eth Tour començarà eth 2 de junhsèga en Mont-Saint-Michel, ua gessuda espectaculara que reivindique era vocacion dera ronda galla entà mostrar es bereses deth territòri.

• Eth Tour de França 2016 aurà ua major preséncia dera montanha.

• Era nauau etapa deth Tour començarà en Vielha e finalizarà en Arcalís.

 

prudhomme e boya_presentacion Tour 2016Eth director deth Tour de França, Christian Prudhomme e eth conselhèr de Territòri d’Aran, Jose A. Boya, agèr, 20 d’octobre, ena presentacion deth Tour de França 2016.

 

Eth conselhèr de Territòri d’Aran, Jose A. Boya, siguec present ager en París ena presentacion deth recorregut deth Tour de França 2016 e a on era Val d’Aran acuelherà era gessuda dera nauau etapa eth 10 de junhsèga (Val d’Aran/Vielha- Andòrra/Arcalís).

Eth director deth Tour de França, Christian Prudhomme, avalorèc fòrça positivaments era experiéncia dera fin d’etapa en Pla de Beret, eth 13 de junhsèga deth 2006.

Eth Govèrn aranés arribèc a un acòrd de collaboracion economica damb er Ajuntament de Vielha e Mijaran e er Ajuntament deth Naut Aran entà cofinançar amassa damb eth Conselh Generau d’Aran e era Secretaria Generau der Espòrt dera Generalitat de Catalonha eth còst d’aguest importantíssim eveniment esportiu, eth que n’a sense dobte ua major repercussion mediatica mondiau.

En paraules deth sindic d’Aran, Carlos Barrera, “eth Conselh Generau d’Aran apòste, amassa damb era rèsta d’Administracions implicades en aguest inici d’etapa coma ua grana oportunitat entà mostrar era capacitat d’acuelhuda des infrastructures toristiques qu’a Aran e tanben mostrar es valors païsatgistics que configuren era natura e es pòbles aranesi”.

Eth Tour començarà eth 2 de junhsèga en Mont-Saint-Michel, ua gessuda espectaculara que reivindique era vocacion dera ronda galla entà mostrar es bereses deth territòri.

Comments are closed.