• Deth 18 ath 20 d’octobre, era Val d’Aran acuelherà aguest important congrès a on se realizaràn ponéncies e debats.

Eth Conselh Generau d’Aran, a trauès deth Departament d’Agricultura, Ramaderia e Medi Naturau d’Aran, organizarà eth 4au Congrès Nacionau d’Agents Forestaus e Mediambientaus qu’aurà lòc deth 18 ath 20 d’octobre ena Val d’Aran.

Eth Congrès compdarà damb ponéncies e debats damb era següenta tematica:

– Foncions des Agents de Medi Ambient coma policia mediambientau.
– Persecucion de delictes.
– Seguretat e risqui laboraus.
– Usatge de naues tecnologies e unitats damb gossets.
– Ponéncies d’Agents Forestaus italians e francesi.

Eth brèu se dauriràn es inscripcions e se dispausarà deth programa definitiu, pr’amor qu’eth Departament d’Agricultura, Ramaderia e Medi Naturau d’Aran ei daurit ath hèt qu’es professionaus interessadi poguen aportar tèmes entàs ponéncies, panèus e stands.

Vielha, 24 de hereuèr de 2017

Conselh Generau d’Aran: Núria Sanjuan 

Fotos: Agents de Miei Ambient deth Conselh Generau d’Aran