Era Val d’Aran convidada en Seminari Internacionau de Recolleccion de Plantes Aromatiques e Medicinaus de Sevilla

Eth Seminari siguec en Sevilha es dies 28, 29 e 30 de noveme.

Eth Conselh Generau d’Aran participèc coma convidat ena Jornada Transnacionau deth Projècte ValuePAM.

Era tecnic deth Conselh Generau d’Aran, Gemma Arjó, hec ua exposicion sus eth procediment administratiu entara explotacion de jançana (Gentiana lutea) ena Val d’Aran.

 

Es dies 28, 29 e 30 de noveme se celebrèc en Sevilla era Jornada transnacionau de clausura e presentacion de resultats deth projècte de valorizacion de plantes aromatiques ValuePAM. Ei era escadença perfècta entà conéisher es resultats obtengudi per aguest projècte en Andalosia, Alentejo Portugués, Catalonha e eth Pirenèu francés, pr’amor que participèren totes es entitats sòcies, ath delà d’expèrts, representants deth sector PAM, eca.

Era jornada se celebrèc ena sedença dera Conselheria d’Agricultura, Pesca e Desvolopament Rurau.

Era tecnic deth Conselh Generau d’Aran, Gemma Arjó, hec ua exposicion sus eth procediment administratiu entara explotacion de jançana (Gentiana lutea) ena Val d’Aran.

ValuePAM (Valorización de las Plantas Aromático-Medicinales silvestres: Gestión sostenible de la biodiversidad vegetal y desarrollo socioeconómico de las zonas rurales del espacio SUDOE) ei un projècte cofinançat eth 75% peth Hons Europèu de Desvolopament Regionau (FEDER), a trauès deth programa Interreg SUDOE (Programa de Cooperacion Interreg V-B Euròpa Suroccidental). Eth sòn objectiu ei melhorar era gestion, planificacion e metuda en valor des Plantes aromatiques e medicinaus (PAM) e eth sòn usatge coma esturment de diversificacion economica e desvolopament sostenible des espacis naturaus e zònes ruraus der espaci SUDOE.

Mès informacion: http://www.valuepam.eu/index.php

 

 

 

 

 

Vielha, 3 de deseme de 2018

 

Conselh Generau d’Aran: Núria Sanjuan

Comments are closed.