Era Vielha Lan Party artenh amassar mès de 250 amants dera informatica ena sua 6au edicion

Era Lan Party ei organizada per IES d’Aran e compde damb era collaboracion der Ajuntament de Vielha e Mijaran.

lanparty

Ath long dera dimenjada se repartiren mès de 1100€ en prèmis enes desparièrs campionats

Mès de 250 persones passèren ath long dera dimenjada deth 30 de mai ar 1 de junh pera 6au edicion dera Vielha Lan Party, celebrada ena Sala Polivalenta de Vielha.

Aguest eveniment, que s’organize des der an 2009, preten introdusir era tecnologia entre era joenessa dera Val d’Aran en comèrç en generau. Ath long d’aguesti 3 dies qu’a durat er eveniment, es participaires poderen gaudir de desparièrs campionats: FIFA 2014 o Counter Strike. Enguan, se repartiren mès de 1100€ entre es guanhadors des desparièrs tornegi.

Era inauguracion se realizèc eth dia 30 mai entàs 16:00, e se clausurèc er 1 de junh entàs 14:00. Lèu 72 ores damb conferéncies, campionats e un corròp d’activitats qu’atreigueren era atencion des amants dera informatica.

“Era Vielha Lan Party supause un eveniment fòrça important entara joenessa aranesa, entà fomentar er emplec des naues tecnologies en territòri, e compartí’c damb es auti participaires enes jornades”, comente eth Conselhèr de Joenessa, Luis Carlos Medina.

Comments are closed.