Era Real Federación Española Deportes de Invierno (RFEDI) presentèc es equipes nacionaus que la integraràn pendent er iuèrn 2018-2019.
Tanben informèc des competicions de mès naut nivèu que se disputaràn aguesta sason en Espanha, coma era Copa deth Mon de snowboard cross en Baqueira Beret.
Era Real Federación Española Deportes de Invierno (RFEDI) presentèc ena hèira Expotural (IFEMA) de Madrid eth calendari oficiau des principaus pròves internacionaus que se celebraràn enes estacions espanhòles que formen part dera Associacion Toristica d’Estacions d’Esquí e Montanha ATUDEM. Er acte compdèc damb era preséncia dera associacion de centres d’iuèrn, damb eth Consejo Superior de Deportes (CSD) e responsables de Baqueira Beret, qu’aguesta sason acuelherà era Copa deth Mon de SBX dera Federacion Internacionau d’Esquí (FIS).
Eth director comerciau de Baqueira Beret, Xavi Ubeira, apuntèc qu’ “ei un aunor acuélher de nau era Copa deth Mon de SBX eth mes de març e èm encantadi qu’era FIS age confidat en nosati. Credem que pòt èster un gran eveniment qu’ajude a plaçar ara estacion en mapa internacionau gràcies ara grana cobertura televisiva mondiau que supause”. Ubeira tanben soslinhèc era importància d’auer a esportistes espanhòus damb autentiques opcions de pòdium coma son Regino Hernández e Lucas Eguibar. Finalizèc en tot assegurar qu’era estacion “sajarà d’èster en calendari internacionau non sonque damb snowboard, se non tanben damb era rèsta d’espòrts”.
Fin finau, eth president dera RFEDI, May Peus España, expliquèc qu’un des principaus objectius entad aguesta sason d’iuèrn 2018-2019 son es mondiaus, competicion que disputaràn practicaments totes es disciplines dera federacion. En paraules cap as esportistes apuntèc que “demoram qu’anatz tàs mondiaus e deishatz eth listron fòrça naut”. Fin finau, afirmèc que “trabalham fòrça en desvolopament internacionau de competicions. Damb gran orgulh arrecebem un informe positiu ena darrèra reünion deth Comitat Olimpic Internacionau (COI) en Buenos Aires en tot anonciar qu’eth conjunt Pirenèus-Barcelona ei pleaments capacitat entà acuélher uns JJOO. E des dera RFEDI volem dar eth nòste supòrt a toti es integrants que trabalhen en aguest projècte”.
Presentacion des melhors esportistes d’iuèrn espanhòu
Pendent era hèira Expotural tanben se presentèc as 26 esportistes des equipes dera RFEDI: 7 en aupin, 5 en snowboard, 6 en esquí de hons, 2 en esquí freestyle (freeski), 2 en esquí de velocitat e 4 eth mushing.
Fin finau, Peus España concludic en tot díder qu’ “es protagonistes d’aué son es esportistes e es sòns tecnics. Demoram fòrça d’eri, entà que melhoren. Animar-les des d’ací tà qu’agen uns boni mondiaus era sason que dejà a començat”.
Lista d’esportistes qu’intègren era RFEDI aguesta sason 2018-2019:
Snowboard:
Equipa A:
Lucas Eguibar. Snowboard Cross – Fed. Vasca PSD
Regino Hernández. Snowboard Cross – Fed. Andaluza CEOE
Maria Hidalgo. Snowboard Slope Style – Fed. Catalana CEMT
Equipa B:
José Antonio Aragón. Snowboard Slope Style – Fed. Andaluza RURAL
Equipa C:
Bernat Ribera. Snowboard Cross – Fed. Catalana – RAC
Esquí Aupin:
Equipa A:
Joaquim Salarich – Fed. Catalana LMCE
Juan Del Campo – Fed. Vasca EURO-SKI
Núria Pau – Fed. Catalana LMCE
Equipa B:
Alex Puente – Fed. Catalana CAEI
Aingeru Garay – FED. Vasca LVERD
Albert Ortega – Fed. Catalana LMCE
Adur Etxezarreta – Fed. Navarra ESQNV
Freestyle Skiing:
Equipa A:
Javier Lliso. Slope Style – Fed. Madrileña COLMENAR
Thibault Magnin. Slope Style – RFEDI
Esquí de Hons:
Equipa B:
Martí Vigo – Fed. Vasca UZTURRE
Imanol Rojo – Fed. Aragonesa H. BENASQUE
Under 23:
Alba Puigdefábregas – Fed. Aragonesa CEC
Gral Selles – Fed. Catalana BELLVER
Jaume Pueyo – Fed. Catalana CEFUC
Maria Iglesias – Fed. Catalana ANEC
Esquí de velocitat
Ricardo Adarraga – Fed. Aragonesa EECAN
Juan Carlos Sánchez Miqueleiz – Fed. Madrileña CLUB AMISTAD
Mushing
Víctor Carrasco – Fed. Catalana AEM
Olga Álvarez – Fed. Catalana AEM
Francisco Javier Alemanno – Fed. Navarra CANUN SPORT
Kimetz Extabe – Fed. Navarra CANUN SPORT
Vielha, 16 de noveme de 2018
Conselh Generau d’Aran: Núria Sanjuan
Hònt e foto: RFEDI