• Ager deluns, 19 de seteme, transportèren es dus ossi deth nuclèu zoològic d’Arties ath santuari de Medveotthon (Ongria).

Eth sindic d’Aran, Carlos Barrera, manifestèc “er an 1996, tot just un an dempús deth liurament per part der Estat francés des prumèrs exemplars d’ossi brun enes Pirenèus provenenti d’Eslovènia, er unic pòble deth Pirenèu qu’acceptèc era installacion d’un espaci entà acuélher laguens deth programa de sensibilizacion impulsat pera Generalitat siguec eth pòble d’Arties e eth municipi deth Naut Aran”.

“Damb era aplicacion dera actuau nòrma sus es parcs zoològics, er Ajuntament deth Naut Aran e eth pòble d’Arties decidiren er an 2015 dar per finalizada era sua implicacion en aguesta sensibilizacion” soslinhèc Barrera.

Eth Servici de Biodiversitat dera Generalitat de Catalonha arrecebec per part dera Associacion animalista FAADA es pressupòsti de translocacion des ossi e que trasladèc ath Conselh Generau d’Aran entà arribar a un acòrd de collaboracion entre administracions (Generalitat/ Conselh Generau/ Ajuntament de Naut Aran).

Pera sua part era Associacion animalista FAADA manifestèc “volem felicitar ar Ajuntament d’Arties pera sua decision e collaboracion, e ath Conselh Generau d’Aran e ara Generalitat de Catalonha pera sua cooperacion, e auem pogut trabalhar en equipa e poder hèr realitat eth traslat de Mimo e Aran. Tanben volem arregraïr a toti es auti collaboradors, coma es Agents Ruraus d’Aran e as Mòssos d’Esquadra, cuidadors, e sustot ath veterinari Robert Melero de Zootransfer. Sense era coordinacion e collaboracion de toti non ac auéssem obtengut”.

Vielha, 20 de seteme de 2016

Conselh Generau d’Aran: Núria Sanjuan