• En aguest cors es Pompièrs analisaràn eth front deth huec enes incendis forestaus en tot avalorar e comunicar eth sòn comportament enes zònes assignades dera Val d’Aran.

• Eth cors, de 18 ores, ei impartit pera Escòla de Bombers e Proteccion Civiu de Catalonha.

Aué diuendres, 21 d’octobre, e deman dissabte, 22 d’octobre, es Pompièrs d’Aran realizaràn un cors auançat d’intervencion en incendis forestaus en diferentes zònes dera Val d’Aran.

Pendent eth cors se repasaran concèptes basics: marc deth huec forestau; analisi de fronts de huec; meteorologia; combustibles. Tanben se realizaràn talhèrs d’aula e huec reau.

Aguest cors ei impartit pera Escòla de Bombers e Proteccion Civiu de Catalonha.

Vielha, 21 d’octobre de 2016

Conselh Generau d’Aran: Núria Sanjuan