Alexandra Rufin deth Club CEVA 1èra en El Dorado Freeride World Tour Junior en Cerler

Eugenia Brotons artenh dus pòdiums en U14 en Campionat de Catalonha de velocitat de Boí Taüll

Es gojats e gojates des categories U14 e U16 deth Club CEVA, an concorrut aguesta dimenjada enes Pròves de Velocitat deth Campionat de Catalonha celebrat en Boí Taüll.
Eugenia Brotons artenhec era tresau plaça eth dissabte e era dusau eth dimenge en Super Gigant U14 ena pista Vaques de Boí Taüll, e eth 4au lòc de Lisa Vallcorba en U16. En categoria masculina destaque eth resultat de Lluc Montes 9au U16.

Alexandra Rufin deth Club CEVA 1èra en El Dorado Freeride World Tour Junior en Cerler
El Dorado Freeride World Tour Junior , ei er eveniment entara formacion de joeni d’entre 14 a 17 ans. Se base ena formacion e educacion entara practica deth freeride tant ena modalitat d’esquí coma deth snowboard. Era tresau ronda a agut lòc ena estacion de Cerler, a on Alexandra Rufin deth Club CEVA a artenhut aguesta dimenjada era 1èra posicion en esquí femenin. Oscar Garcés artenhec era 3au plaça en esquí masculin.

Lula Martínez, deth CEVA, guanhadora der Open Vall Fosca d’esquí de montanha 2017
Era corredora deth CEVA, Lula Martínez, damb era sua companha Ares Izard, deth Club Excursionista Lhèida, se proclamèren guanhadores der XIV Open Vall Fosca d’esquí de montanha 2017, ena categoria absoluta femenina, celebrat aguest dissabte.
En aguesta edicion, a causa des bones condicions meteorologiques e de nhèu, era organizacion decidic un itinerari autentic d’esquí e alpinisme, as corredors les calie portar, ath delà deth materiau de seguretat obligatòria, arnesc e accessòris de ferrates.

Hònt: Club CEVA