Eth Conselh Generau d’Aran, a trauès deth sòn Departament d’Agricultura, Ramaderia e Medi Naturau d’Aran, an començat a “desovar” exemplars de trueita autoctòna en procès de fecundacion e quan arribaràn ara mesura, se repoblaràn es arrius dera Val d’Aran damb aguesti alevins de trueita.

Es Agents de Medi Naturau deth Conselh Generau d’Aran cada an repoblen es arrius d’Aran damb alevins de trueita criada ena piscifactoria d’Era Bordeta damb era collaboracion dera Societat de Caça e Pesca dera Val d’Aran.

En paraules deth conselhèr d’Agricultura, Ramaderia e Medi Naturau d’Aran, Jose Enrique Arró: “Damb aguesta accion s’accelere era densitat de trueites autoctònes en arriu Garona e en toti es sòns afluents. Enguan demoram repoblar es arrius damb mès de 150.000 alevins de trueites”.

Vielha, 24 de hereuèr de 2017

Conselh Generau d’Aran: Núria Sanjuan