Eth conselhèr de Salut e Benéster, Eduardo Valdecantos, e eth baile de Naut Aran, César Ruiz-Canela, visitèren es installacions de Mijaran dera Associacion de Discapacitadi d’Aran (ADDA), entà liurar un ordenador as usatgèrs deth centre.

Se tracte d’ua iniciatiua que preten ajudar en desvolopament deth centre, entà qu’es sòns usatgèrs poguen adaptar-se as naui tempsi e as naues tecnologies.

En paraules deth conselhèr de Salut e Benéster, Eduardo Valdecantos, “eth Conselh Generau d’Aran en collaboracion damb er Ajuntament de Naut Aran, a volut auer un detalh damb es usatgèrs d’ADDA, donques que consideram fòrça important eth desvolopament de quinsevolh tipe de collectiu. Eth progrès des sectors mès alebables dera societat ei un des nòsti objectius prioritaris, e contunharam en futur en tot ajudar a melhorar eth sòn benestar”.