Era directora dera ETEVA, Núria Perramon, e eth representant dera ACNA, Jordi Gavaldà.

Eth Conselh Generau d’Aran, a trauès dera Escòla de Formacion de Tecnics Esportius dera Val d’Aran (ETEVA), a signat un convèni damb era ACNA (Associacion entara coneishença dera nhèu e es lauegi) entà per’mor de promòir ua formacion actualizada e suenhada ena matèria de nhèu e lauegi.

Laguens dera formacion dera ETEVA de tecnic esportiu de dusau nivèu, ena especialitat d’espòrts d’iuèrn e de montanha e escalada, s’impartiràn es contenguts avienti entà per’mor qu’es alumnes obtenguen era reconeishença dera STA1 dera ACNA.

A part dera formacion qu’arreceberàn es alumnes matriculadi ena formacion de tecnic esportiu, era ETEVA convocarà annauments aumens un cors daurit ara poblacion en generau de “Seguretat en terren de lauegi” (STA 1).