Pòden participar es mainatges que corsen educacion primària e educacion segondària obligatòria, de 6 a 15 ans

Eth tèrme entà presentar es joguets serà era setmana deth 24 ath 28 de noveme en Departament d’Agricultura, Ramaderia e Medi Naturau (Conselh Generau d’Aran. Vielha)

Eth Departament d’Agricultura Ramaderia e Miei Naturau amassa damb er airau de Gestion de Residus deth Conselh Generau d’Aran, an organizat eth Concors d’Ecojoguets (joguets elaboradi damb materiau reciclat), entà collaborar damb era VI Setmana Europèa dera Prevencion de Residus organizada pera Agència de Residus de Catalunya.

Era Setmana Europèa dera Prevencion de Residus nèish d’un projècte de res ans qu’arrecep eth supòrt deth programa LIFE+ dera Comission Europèa. Er objectiu eu d’organizar pendent ua madeisha setmana per tota Euròpa, accions de sensibilizacion sus era prevencion de residus.

En paraules deth conselhèr d’Agricultura, Ramaderia e Medi Naturau d’Aran, Jose E. Arró “er objectiu deth concors ei concienciar deth besonh de reciclar e reutilizar es materiaus deth nòste entorn en tot desvolopar era imaginacion e era creativitat elaborant un joguet pròpi”.

Pòden participar es mainatges que corsen educacion primària e educacion segondària obligatòria, de 6 a 15 ans, cada participant poderà presentar sonque un joguet.

Es joguets s’auràn d’elaborar damb materiaus recicladi, que poguen trobar-se en nòste entorn e que ja non s’utilizen (tetabriks, carton, bosses…) o materiaus que poguen trobar-se ena natura.

Es objèctes presentadi an d’èster acompanhadi de:

– Ua ficha qu’includisque eth nòm, edat deth mainatge, eth títol, es materiaus utilizadi e es instruccions d’usatge (se son de besonh).
– Era autorizacion signada pes pairs entà participar en concors e per usatge des imatges realizades pendent eth concors.

Es objèctes presentadi auràn d’èster originaus e non auer participat damb anterioritat en aute concors.
Eth tèrme entà presentar es joguets serà era setmana deth 24 ath 28 de noveme de 2014 en Departament d’Agricultura, Ramaderia e Medi Naturau (Conselh Generau d’Aran. Passèg dera Libertat, 16. Vielha. Telefòn: 973 64 18 01).

Eth jurat estarà format per persones deth departament de Medi Ambient e per expèrts en arts plastiques.
Eth jurat velharà per estricte compliment des nòrmes deth concors e resolverà es casi dubtosi que s’agen pogut presentar. Eth jurat avalorarà era originalitat deth joguet, e era abiletat manuau en foncion dera edat deth mainatge e eth dessenh. Eth sòn veredicte non pòt èster apellable.

Es prèmis s’autrejaràn eth mes de deseme deth 2014, se dividiràn en categories en foncion des edats e nombre de participants. Es prèmis se haràn efectius en activitats entà gaudir ena Val d’Aran.

Eth Departament d’Agricultura, Ramaderia e Medi Naturau deth Conselh Generau d’Aran retornarà as participants es objèctes presentadi un viatge age finalizat eth concors.

Entà quinsevolh dobte que sigue o incidéncia podetz adreçatz-vos ath Departament d’Agricultura, Ramaderia e Medi Naturau, a trauès deth 973641801 o de c.madruga@aran.org, persona de contacte, Cristina Madruga.