Era plantilha e eth cos tècnic an estat recebudi peth vicesindic prumèr d’Aran, Luis Carlos Medina, e pera conselhèra de Torisme, Comèrç e Consum d’Aran, Anna Díaz

Eth conjunt de Bilbao se trape ena Val d’Aran en tot realizar eth sòn stage de pretemporada

Eth Bilbao Basket, equipa dera Liga ACB de basquet se trape ena Val d’Aran en tot realizar un stage de preparacion entara pròplèu sason que començarà en mes d’octobre. Autant era plantilha coma eth còs tecnic an estat recebudi ena sedença deth Conselh Generau d’Aran peth vicesindic prumèr d’Aran, Luis Carlos Medina, e pera conselhèra de Torisme, Comèrç e Consum, Anna Díaz.

Pendent eth sòn stage, eth Bilbao Basket, a premanit es sessions fisiques principauments enes installacions deth Palai d’Espòrts de Vielha.

“Èm fòrça contents des deth Conselh Generau d’Aran de poder compdar damb era visita deth Bilbao Basket enes nòstes tèrres. Les desiram ua grana sason e demoram que poguen arténher grani resultats”, a comentat eth vicesindic prumèr d’Aran, Luis Carlos Medina.