Era plantilha e eth cos tècnic sigueren recebudi peth vicesindic prumèr, Luis Carlos Medina

Eth conjunt d’Aragon hè quate ans que realize er stage de pretemporada ena Val d’Aran

Eth CAI Zaragoza, equipa dera Liga ACB de basquet se trape ena Val d’Aran en tot realizar un stage de preparacion entara pròplèu sason 2014-15 que començarà en mes d’octobre. Autant era plantilha coma eth còs tecnic sigueren recebudi ena sedença deth Conselh Generau d’Aran peth vicesindic prumèr, Luis Carlos Medina.

Es aragonesi, que demoren ena Val d’Aran enquiath pròplèu 19 de seteme, dejà an visitat pendent quate ans eth territòri entà premanir era temporada, en tot disputar es sessions fisiques principauments enes installacions deth Palai d’Espòrts de Vielha.

“Èm fòrça contents des deth Conselh Generau d’Aran d’auer podut tornar a compdar damb era visita deth CAI Zaragoza, que dejà ei un classic enes nòstes tèrres. Er an passat realizèren ua grana sason e enguan demoram que poguen tornar a arténher grani resultats”, comente eth vicesíndic prumèr, Luis Carlos Medina.

Pendent es pròplèus setmanes se demore era preséncia deth Herbalife Gran Canaria, eth River Andorra e eth Bilbao Basket.