Vielha, 10 de junhsèga de 2018.- Eth Conselh Generau d’Aran a renauit es convènis de collaboracion damb es dues escòles de musica dera Val d’Aran, era Escòla Tchaikosky Balh e Musica, e era Escòla Musicau dera Val d’Aran, damb er objectiu de sostier e promòir era activitat musicau coma vessant importanta d’accès ara cultura.

Eth Conselh Generau d’Aran apòrte 3.000 € a cadua des escòles entà ajudar a finançar es activitats que desvolòpen, entre eres es ensenhaments musicaus e era realizacion d’eveniments e concèrts.

Era collaboracion damb es escòles de musica hè qu’a trauès d’aguest convèni es escòles participen enes eveniments culturaus organizadi peth Conselh Generau, e amien a tèrme ath long der an ua accion musicau en collaboracion damb eth madeish Conselh Generau d’Aran.