Eth Conselh Generau d’Aran renauís eth convèni damb er Ajuntament de Vielha e Mijaran entath finançament dera Bibliotèca Generau

BIBLIOTECA

 

Eth Conselh Generau d’Aran a renauit eth convèni de collaboracion entre eth Govèrn d’Aran e er Ajuntament de Vielha e Mijaran entath finançament dera gestion e deth mantieniment dera Bibliotèca Generau damb un impòrt de 24.000,00 €/annuaus.

Aguest nau convèni alongue era sua duracion enquiath 31 de deseme de 2019, e a de perméter contunhar mantenguent es standards de qualitat d’aguest equipament culturau deth país e manten era Comission de Foncionament dera Bibliotèca Generau coma òrgan qu’a de seguir e avalorar eth foncionament d’aguest convèni.

BIBLIOTECA2

 

En paraules deth sindic d’Aran, Carlos Barrera, “pendent toti aguesti ans de fòrta crisi auem mantengut era quantitat tà finançar era Bibliotèca, en tot palesar eth nòste compromís damb era cultura e es joeni”.

“Era volentat deth Govèrn d’Aran de renauir eth convèni s’enquadre en aquera linha de collaboracion, tostemp que sigue viable economicaments, damb es ajuntaments deth país, en benefici des persones” a soslinhat Barrera.

Comments are closed.