• Era equipa filiau de Barcelona ei eth dusau an que realize eth sòn stage ena Val d’Aran.

• Era Val d’Aran pòrte bèri ans en tot arrecéber era visita de diferentes equipes esportius d’elèit pendent era sason d’ostiu, entre eri eth prumèr equip blanc e blu.

Eth vicesindic d’Aran e conselhèr d’Espòrts, Luis Carlos Medina, e era conselhèra de Torisme e Desvolopament Economic, Anna Díaz, an arrecebut ara plantilha deth filiau deth RCD Espanyol que se trapen ena Val d’Aran pendent aguesta setmana entà realizar part dera sua pretemporada d’ostiu.

Era equipa catalan ei eth dusau an que realize ena Val d’Aran eth sòn stage. Des deth club son satisfèti pes condicions qu’aufrís era Val d’Aran a nivèu d’installacions entà poder desvolopar era sua pretemporada.

“Ei un aunor qu’eth filiau deth RCD Espanyol de Barcelona age escuelhut un an mès era Val d’Aran entà començar a premanir era sua sason”, a comentat eth vicesindic d’Aran, Luis Carlos Medina.

Era seccion femenina deth RCD Espanyol tanben tornarà enguan a hèr eth stage de pretemporada ena Val d’Aran.

Era Val d’Aran s’a anat plaçant enes darrèri ans coma era destinacion preferida per diuèrses equipes d’elèit de diferenti espòrts entà realizar part dera sua preparacion fisica mesi abans de començar era sason.