Eth Govèrn d’Aran apròve eth pagament deth 75% pendent dera paga extra der an 2012 ath personau deth Conselh Generau d’Aran

Vielha 19 de junhsèga de 2016.- Un còp complides es exigéncies d’Estabilitat Pressupostària; d’amortizacion de crèdits e deth periòde miei de pagament a provedidors inferiors a 30 dies, damb era entrada en vigor deth pressupòst de 2016, era prumèra decision deth Conselh de Govèrn, damb data d’aué, a estat eth retorn deth 75% dera paga extra deth mes de deseme de 2012 as trabalhadors deth Conselh Generau d’Aran.

Eth sindic d’Aran, Carlos Barrera se mostrèc satisfèt per “dar compliment as requisits legaus establidi pera legislacion, qu’an permetut poder retornar aguesta part tan importanta dera paga extra deth 2012 ath personau deth Conselh Generau d’Aran”.

Eth pagament se realizarà amassa damb era nomina deth mes de junhsèga de 2016.

Comments are closed.