Vielha, 16 de mai de 2018.- Eth Grop de Rescat de Montanha des Pompièrs d’Aran (GRM) rescatèc eth passat dissabte ena zòna de Còth deth Hòro a dues persones qu’auien demorat atrapades en ua canau de nhèu.

Es advèrses condicions meteorologiques dera dimenjada ena Val d’Aran, damb bruma, heired, nhèu e ploja, heren qu’es dus excursionistes esguitlèren e demorèssen atrapadi ena canau de nhèu.

Es dues persones, que non auien sofrit herides, sigueren rescatades sanes e sauves e sigueren trasladades entà Vielha.