Eth Parlament de Catalonha apròve era naua lei d’Aran

Eth plen a aprovat aué dimèrcles, 21 de gèr, era naua lei d’Aran damb es vòts a favor de toti es grops e era abstencion de C’s

Era lei protegís era identitat e era cultura aranesa e aumente es competéncies deth Govèrn aranés

21012015_aplaudiments_Aran_MasMoment dera aprobacion dera Lei d’Aran. Foto: Parlament de Catalonha

Eth Parlament a aprovat aué era naua lei d’Aran, que substituís ara der an 1990, era lei a estat aprovada damb eth vòt favorable de toti es grops damb era unica abstencion de Ciutadans (C’s).

Dempús de sies ans de negociacions, era lei deth regim especiau d’Aran, elaborada ena ponéncia conjunta, a arribat aué ath Parlament damb esmenes en contengut de toti es grops.

Naua Lei d Aran_ParlamentEth sindic d’Aran, Carlos Barrera, en Parlament. Foto: Parlament de Catalonha

En paraules deth sindic d’Aran, Carlos Barrera, “era lei d’Aran s’a aprovat per ua ampla majoria de vòts, aguest ère eth rèpte politic mès important qu’auíem en aguesti moments. Aguesta naua lei complís es objectius qu’en 2009 aprovèren per unanimitat toti es Ajuntaments e Pedanies dera Val d’Aran atau coma eth Plen deth Conselh Generau d’Aran. Entre d’autes reconeishences, establís era realitat politica e territoriau d’Aran laguens de Catalunya, atau coma ues relacions dirèctes entre Presidéncia dera Generalitat e Sindicatura. Tanben fixa es marcs des negociacions economiques e competenciaus enes Comissions Bilateraus entre es dus govèrns.”

Barrera a soslinhat qu’era naua lei “arreconeish ath Conselh Generau d’Aran era plea capacitat d’exercir en territòri totes es sues competéncies e traspassi. Mos dòte tanben d’estruments de gestion politica entà hèr qu’era Val d’Aran pogue garantir es servicis qu’a de besonh eth pòble aranés entà poder auançar en naues oportunitats de progrès e benéster”.

21012015MogaEth deputat aranés,  Álex Moga, en moment dera sua compareishença.  Foto: Parlament de Catalonha

Era lei refortilhe “es interèssi e ligams qu’istoricaments an junhut Aran damb Catalunya”, arreconeish era realitat nacionau occitana, dotada d’identitat culturau, istorica, geografica e lingüistica, establís eth regim especiau pròpri d’Aran entà protegir-ne eth caractèr singular, es drets istorics e era identitat, eth dret e era realitat dera organizacion institucionau, politica e administrativa, e ne garantís es competéncies, es recorsi e era autonomia entà ordenar, governar e gerir es interèssi deth territòri. Eth tèxte arrecuelh era division territoriau d’Aran es sies terçons, n’arreconeish eth drapèu, er escut, era hèsta e er imne, e es drets lingüistics damb er aranés coma lengua pròpria e d’usatge preferent enes administracions publiques, era capitalitat de Vielha, e definís es foncions deth Conselh Generau d’Aran e es sòns organs, e eth sistèma electorau per terçons.

21012015Foto_escalinata

Eth jutjament dera lei admet, as disposicions finaus e transitòries, eth dret deth pòble aranés a decidir eth sòn futur, establís ua revision deth modèl de finançament era comission bilaterau govèrn dera Generalitat- Conselh Generau d’Aran en un termini maximal de tres ans, preve qu’eth Parlament demane era reconeishença dera autonomia politica d’Aran en marc d’ua modificacion constitucionau e establís qu’era lei li calerà èster referendada pes aranesi cossent damb era lei de consultes populares.

http://www.ccma.cat/tv3/alacarta/Telenoticies-migdia/El-Parlament-aprova-la-nova-llei-de-la-Vall-dAran/video/5437984/

http://www.ccma.cat/tv3/alacarta/Telenoticies-comarques/Que-diu-la-nova-llei-dAran/video/5437963/

http://www.ccma.cat/catradio/alacarta/Informatius-Catalunya-Radio/Meddia-Aranes/audio/866271/

http://www.ccma.cat/catradio/alacarta/Informatius-Catalunya-Radio/El-Parlament-aprova-la-nova-llei-dAran/audio/866286/

Comments are closed.