Era ISU realizèc un stage internacionau en Berlin dera modalitat de cobles.

Era capitau alemana acuelhec eth stage dera modalitat de cobles liures pendent era setmana passada. En stage se concentrèren patinadors de diferentes nacionalitats: italians, russi, alemands, espanhòus, francesi, americani, canadians, polonesi,… e damb entrenadors de naut prestigi coma Bruno Marcotte (Canadà), eth matrimòni Siudek (Polonha), Petter Grutter (Soïssa) e eth campion deth mon e medallista olimpic, Stephane Lambiel.

Era parelha deth Fútbol Club Barcelona formada per Mónica Carratalà e er aranés Tòn Cónsul amassa damb eth sòn entrenador Patrick Capmartin sigueren convocadi per dusau an consecutiu entà participar en aguest seminari qu’organize era Federacion Internacionau, era ISU. Segons informes arrecebudi, era parelha contunhe complint es bones expectatives de nivèu e trabalh.

Tòn, signèc enguan un convèni damb eth Conselh Generau d’Aran e Foment Torisme Val d’Aran entà promòir era destinacion toristica esportiua Val d’Aran peth mon, representada ena imatge e es valors deth joen patinador, e der equip deth que forme part, mejançant eth patrocini institucionau.